प्रतिनिधिसभाबाट राष्ट्रिय विधि विज्ञान प्रयोगशाला विधेयक सर्वसम्मत पारित

प्रतिनिधिसभाबाट ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८३’ पारित भएको छ। प्रतिनिधिसभाको बुधबारको बैठकले उक्त विधेयक सर्वसम्मतिले पारित गरेको हो।

विज्ञान, प्रविधि तथा नवप्रवर्तनमन्त्रीले विधेयक पारित गर्न बैठकमा प्रस्ताव राखेका थिए। न्याय सम्पादन प्रक्रियामा वैज्ञानिक प्रमाणको उपयोगसँग सम्बन्धित यो विधेयक सर्वसम्मतिले पारित भएको हो।

सोही बैठकले चारवटा विधेयक दफावार छलफलका लागि सम्बन्धित समितिमा पठाउने प्रस्ताव पनि सर्वसम्मतिले स्वीकृत गरेको छ। सभामुख डोलप्रसाद अर्यालले कार्यसूचीअनुसार बैठक सञ्चालन गरेका थिए।

प्रतिनिधिसभाको बैठक अब बिहीबारसम्मका लागि स्थगित गरिएको छ।