सुन तोलामा ३ हजार ८०० रुपैयाँ घट्यो, दुई दिनमा ८ हजार ८०० सस्तियो

नेपाली बजारमा मंगलबार सुनको मूल्य प्रतितोला ३ हजार ८०० रुपैयाँले घटेको छ। नेपाल सुनचाँदी व्यवसायी महासंघका अनुसार आज सुन प्रतितोला २ लाख ९० हजार ५०० रुपैयाँमा कारोबार भइरहेको छ।

आज चाँदीको मूल्य पनि तोलामा ११५ रुपैयाँले घटेको छ।

यसअघि सोमबार सुनको मूल्य तोलामा ५ हजार रुपैयाँले घटेको थियो। यसरी पछिल्ला दुई दिनमा सुनको मूल्य प्रतितोला ८ हजार ८०० रुपैयाँले घटेको हो।

लगातार दोस्रो दिन सुन र चाँदी दुवैको मूल्य घटेको महासंघले जनाएको छ।