दसैँ नजिकिँदै गाउँमा फर्कियो पिङको रौनक

दसैँ र तिहार नजिकिँदै गर्दा बाँकेको खजुरा क्षेत्रका गाउँमा पिङको रौनक फर्किएको छ। केही वर्षअघिसम्म चाडपर्व नजिकिँदा रोजगारी र पढाइका सिलसिलामा सहर तथा विदेश गएका युवा घर फर्कने गर्थे। गाउँका बाटाघाटा, चौतारा र सार्वजनिक स्थलमा पर्वको तयारी सुरु हुन्थ्यो भने घरघरमा सरसफाइ चल्थ्यो।

युवाहरू मिलेर घरघरबाट खर जम्मा गर्थे र आवश्यक काठका लागि जङ्गल पुग्थे। वर र पीपलका ठुला रूखमा खरकै डोरी प्रयोग गरी लिङ्गे अर्थात् ज्यूरे पिङ बाँधिन्थ्यो। मेला तथा सार्वजनिक स्थलमा भने काठका जाँते र चर्खे पिङ बनाइन्थ्यो।

तीजदेखि तिहारसम्म पिङमा रमाउनेहरूको भीड लाग्ने गर्थ्यो। यो बालबालिका र युवाको मनोरञ्जनसँगै गाउँलेबीच भेटघाट र आत्मीयता बढाउने माध्यम पनि बन्थ्यो। वर्षमा कम्तीमा एकपटक जमिन छाड्नुपर्ने लोकमान्यतासँग जोडिएको पिङ चाडपर्वको अभिन्न संस्कृतिका रूपमा स्थापित छ।

पछिल्ला वर्षमा भने गाउँघरबाट यो चलन हराउँदै गएको छ।