यति एयरलाइन्सको कारोबार लगातार बढ्दो, २१ अर्बको आईपीओ तयारी

यति एयरलाइन्सले गत आर्थिक वर्षमा करिब साढे ५ अर्ब रुपैयाँको कारोबार गरेको छ। अघिल्लो वर्ष करिब ५ अर्ब ३८ करोड रुपैयाँ रहेको कारोबार झन्डै २ प्रतिशतले बढेको छ। अघिल्लो वर्ष विमान थप गरेपछि कारोबार बढेको कम्पनीले जनाएको छ।

कारोबार बढे पनि कम्पनीको नाफा भने घटेको छ। इन्धनको मूल्य बढेकाले सञ्चालन मार्जिन करिब ३३ प्रतिशतबाट झरेर करिब २६ प्रतिशतमा सीमित भएको छ। खुद नाफा मार्जिन पनि करिब १२ प्रतिशतबाट घटेर करिब ३ प्रतिशतमा झरेको छ।

कम्पनीको खुद नाफा करिब ६५ करोड रुपैयाँबाट घटेर झन्डै १८ करोड रुपैयाँमा सीमित भएको छ। कम्पनीले अब करिब २१ अर्ब रुपैयाँको आईपीओ निष्कासन गर्ने तयारी गरेको छ।