बाढी–पहिरो प्रभावित क्षेत्रबाट सेनाले आज ६८४ जनाको उद्धार गर्‍यो

अविरल वर्षासँगै देशका विभिन्न भागमा आएको बाढी, पहिरो र डुबान प्रभावित क्षेत्रबाट नेपाली सेनाले आज ६८४ जना नागरिकलाई सकुशल उद्धार गरेको छ।

प्रभावित क्षेत्रमा सेनाले खोज, उद्धार र राहत वितरणको काम गरिरहेको छ। जोखिममा परेका नागरिकलाई सुरक्षित स्थानमा सार्ने र अवरुद्ध सडक खुलाउने काममा पनि सेना परिचालित छ।

उद्धार गरिएका सबै नागरिकलाई सुरक्षित स्थानमा सारिएको छ। लगातारको वर्षाका कारण देशका विभिन्न स्थानमा बाढी, पहिरो र डुबानको समस्या आएपछि सेनाले उद्धार अभियान तीव्र बनाएको हो।

बाढी, पहिरो र डुबानबाट प्रभावित क्षेत्रमा सेनाको खोज, उद्धार तथा राहत अभियान जारी छ।