लिग–२: रोहितको शतकमा नेपालले क्यानडालाई २४ रनले हरायो

आईसीसी पुरुष क्रिकेट विश्वकप लिग–२ अन्तर्गत ओमानमा भइरहेको एकदिवसीय शृङ्खलाको आफ्नो पहिलो खेलमा नेपालले क्यानडालाई २४ रनले पराजित गरेको छ। यो खेल आइतबार भएको थियो।

नेपालले दिएको २३६ रनको लक्ष्य पछ्याएको क्यानडा ४८.४ ओभरमा २११ रन बनाएर अलआउट भयो। नेपालको इनिङ्समा रोहितले शतक बनाए। नेपालको जितमा रोहित र गुलशनको प्रमुख योगदान रह्यो।

बलिङतर्फ ललित राजवंशीले इनिङ्सको ३४औँ ओभरको तेस्रो बलमा क्यानडाका श्रेयस मोभ्भालाई आउट गरेर नेपाललाई छैटौँ विकेट दिलाएका थिए। त्यसपछि क्यानडाले लक्ष्य भेट्न सकेन र अन्तिम ओभर पूरा नहुँदै सबै विकेट गुमायो।

यो खेल लिग–२ को अन्तिम शृङ्खलाअन्तर्गत खेलिएको हो। यो जितसँगै नेपालको एकदिवसीय मान्यता जोगिने आस कायमै रहेको छ।