रातो कार्डपछि भिनिसियसले मागे माफी, एल क्लासिको गुम्न सक्ने

स्पेनिस क्लब रियल मड्रिडका ब्राजिली फरवार्ड भिनिसियस जुनियरले रातो कार्ड पाएपछि सामाजिक सञ्जालमार्फत टोली र समर्थकसँग माफी मागेका छन्। शनिबार सान्टियागो बर्नाबेउमा भएको ला लिगा खेलमा रियलले भिल्लारियललाई १–० ले हराएको छ। ५२औँ मिनेटमा मैदान छिरेका भिनिसियसले पछि गोल गरेजस्तो देखिएको थियो।

भिडियो सहायक रेफ्री अर्थात् भीएआरको अनुरोधमा रेफ्री इसिद्रो डियाज दे मेराले घटना फेरि हेर्दा उनले त्यसअघि विपक्षी खेलाडी नाथन सालिबाको कपाल तानेको भेटिएको छ। त्यसैले गोल रद्द भएको छ र मैदान छिरेको २० मिनेटमै भिनिसियसले रातो कार्ड पाएका छन्। अनुशासन समितिको निर्णयका कारण उनले दुई सातापछि बार्सिलोनासँग हुने एल क्लासिको गुमाउनुपर्ने सम्भावना छ।