धनगढीमा शनिबारे महिला उद्यम बजार असोज २४ देखि फेरि सुरु

सुदूरपश्चिम प्रदेशको धनगढी उपमहानगरपालिकाले हरेक शनिबार लाग्ने महिला उद्यम बजार यस वर्ष असोज २४ गतेदेखि फेरि सञ्चालन गर्ने भएको छ। महिला उद्यमी तथा उत्पादकलाई प्रोत्साहन दिने उद्देश्यले बजार सञ्चालन गरिँदै आएको उपमहानगरपालिकाले जनाएको छ। उपमहानगरपालिकाका अनुसार यो बजार करिब तीन वर्षदेखि सञ्चालनमा छ। आर्थिक वर्ष २०८१/८२ र २०८२/८३ मा बजार धनगढी कभर्डहल नजिकको जेन्जी मार्गमा लाग्दै आएको थियो। उपमहानगरपालिकाले सम्बन्धित सबै महिला उद्यमी र सरोकारवालालाई बजारमा सहभागी हुन जानकारी गराएको छ।