अमेरिकी डलरको भाउ फेरि घट्यो, खरिददर १४९ रुपैयाँ ९६ पैसा

नेपाल राष्ट्र बैंकले शनिबारका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर १४९ रुपैयाँ ९६ पैसा र बिक्रीदर १५० रुपैयाँ ५६ पैसा तोकिएको छ।

अमेरिकी डलरको भाउ आज पनि घटेको छ। डलरसँगै युरोपियन युरो र पाउन्ड स्टर्लिङको खरिदबिक्री दर पनि अघिल्लो दिनको तुलनामा घटेको छ।

विश्वबजारमा सुनको कारोबार मूल्य पनि कमजोर बनेको छ।

वाणिज्य बैंकहरूले तोक्ने विनिमयदर भने फरक हुन सक्ने र अद्यावधिक विनिमयदर राष्ट्र बैंकको वेबसाइटमा उपलब्ध हुने केन्द्रीय बैंकले जनाएको छ।