बीपी राजमार्गको सिन्धुली बर्षेखोला–पिप्ले खण्डमा जाइकाले सुरु गर्‍यो पुनर्निर्माण

प्राकृतिक विपद्बाट क्षतिग्रस्त बीपी राजमार्गको सिन्धुली बर्षेखोला–पिप्ले सडकखण्डमा जापान अन्तर्राष्ट्रिय सहयोग नियोग (जाइका)ले पुनर्निर्माणको काम सुरु गरेको छ।

डिभिजन सडक कार्यालय भक्तपुरका अनुसार यो खण्डसँगै राजमार्गका अन्य तीन खण्डमा पनि पुनर्निर्माणको काम तीव्र बनाइएको छ।

राजमार्गको काभ्रे खण्डमा पुनर्निर्माणको काम ५२ प्रतिशत पूरा भएको छ।

विपद्पछि क्षतिग्रस्त बनेको यो राजमार्गका विभिन्न खण्डमा पुनर्निर्माणको काम अघि बढिरहेको छ। काम सम्पन्न भएपछि यस मार्गमा यात्रु तथा सवारीसाधनको आवागमन सहज हुने अपेक्षा गरिएको छ।