६२ वर्षपछि मध्यपुर थिमीकी जीवित देवी कुमारी लायकू दरबारमा, भक्तजनलाई दसैँको टीका

मध्यपुर थिमीकी जीवित देवी कुमारीलाई ६२ वर्षपछि लायकू दरबार लगिएको छ।

विजया दशमीको दिन बुधबार लायकू दरबारमा जीवित देवी कुमारीको हातबाट भक्तजनलाई दसैँको टीका लगाइएको छ। कुमारीबाट टीका थाप्न भक्तजन त्यहाँ पुगेका थिए।

लामो समयपछि भएको यो कार्यक्रमका तस्बिरहरू विभिन्न सञ्चारमाध्यमले सार्वजनिक गरेका छन्।

बडादसैँको मुख्य दिन विजया दशमीमा देशभर मान्यजनको हातबाट नवदुर्गाको प्रसादका रूपमा टीका र जमरा ग्रहण गर्ने क्रम चलिरहेको छ।