कास्कीमा असोजमा मात्र ३२ फरार प्रतिवादी पक्राउ, १६ लाखभन्दा बढी बिगो असुल

कास्कीमा प्रहरीले गत असोज महिनामा विभिन्न मुद्दामा अदालतबाट दोषी ठहर भई सजाय भुक्तान नगरी फरार रहेका ३२ जना प्रतिवादीलाई पक्राउ गरेको छ।

जिल्ला प्रहरी कार्यालय, कास्कीका अनुसार पक्राउ परेकाहरू विभिन्न मुद्दामा फैसला भइसकेर पनि सजाय नभोगी फरार रहेका थिए। प्रहरीले यस अवधिमा १६ लाख रुपैयाँभन्दा बढी बिगो पनि असुल गरेको छ।

प्रहरीको सक्रियतासँगै एकै महिनामा यति धेरै फरार प्रतिवादी पक्राउ परेका हुन्। अदालतको फैसलाअनुसार सजाय कार्यान्वयन गराउन फरार प्रतिवादीको खोजी र पक्राउलाई प्रहरीले निरन्तरता दिएको छ।

पक्राउ परेका प्रतिवादीलाई फैसलाअनुसार सजाय भुक्तान गराउने प्रक्रिया अघि बढाइने जनाइएको छ।