विपत्ति र शोकबीचको दसैँले समाजलाई थप एकताबद्ध बनाओस्: रास्वपा सभापति लामिछाने

राष्ट्रिय स्वतन्त्र पार्टी (रास्वपा) का सभापति रवि लामिछानेले विपत्ति र शोकका बीच मनाइँदै गरेको बडादसैँले नेपाली समाजलाई अझ सुदृढ एकताको सूत्रमा बाँध्ने विश्वास व्यक्त गरेका छन्।

विजयादशमीका अवसरमा जारी शुभकामना सन्देशमा उनले राष्ट्र र जनताको हितमा समर्पित हुने सद्बुद्धि प्राप्त होस् भन्ने कामना गरेका छन्।

रास्वपाले यस वर्षको बडादसैँ देशमा आइपरेको विपत्ति र शोकको घडीमा मनाउनुपरेको उल्लेख गर्दै सम्पूर्ण नेपालीलाई सुदृढ र अभूतपूर्व एकताका लागि आह्वान गरेको छ। सन्देशमा निराशाबाट आशातर्फ अघि बढ्न पनि आग्रह गरिएको छ।

विजयादशमीका अवसरमा विभिन्न दल तथा राज्यका पदाधिकारीले शुभकामना सन्देश जारी गरेका छन्।