त्रिभुवन विमानस्थलमा अवतरणका क्रममा टर्किस एयरलाइन्सको जहाजमा परेवा ठोक्कियो

त्रिभुवन अन्तर्राष्ट्रिय विमानस्थलमा टर्किस एयरलाइन्सको जहाज अवतरण गर्ने क्रममा परेवा ठोक्किएको छ। इस्तानबुलबाट आज बिहान काठमाडौं आएको TK726 नम्बरको उडानको जहाजमा यो घटना भएको हो।

स्थानीय समयअनुसार बिहान ६:३६ बजे जहाज अवतरणको चरणमा रहेका बेला परेवा ठोक्किएको थियो। घटनापछि जहाजको नोज ल्यान्डिङ गियरमा रहेको लाइटमा सामान्य क्षति देखिएको छ।

अंग्रेजी दैनिक द काठमाडौं पोस्टका अनुसार घटनापछि धावनमार्ग खाली गराउने क्रममा विमानस्थलमा उडान सञ्चालनमा ढिलाइ भएको थियो। चरा ठोक्किएको यस घटनाले काठमाडौं विमानस्थलका उडान केही समय प्रभावित भए।