पोखरा स्कुल बस दुर्घटना: उपचार र राहतमा सहमतिपछि तीन मृतकको अन्त्येष्टि

कास्कीको पोखरा महानगरपालिका–२८ कालिकास्थित ओख्लेको भिरमा शुक्रबार बिहान भएको स्कुल बस दुर्घटनामा मृत्यु भएका पाँच जनामध्ये तीन जनाको आज साँझ अन्त्येष्टि गरिएको छ।

घाइतेको उपचार र पीडितलाई राहत दिनेविषयमा सहमति भएपछि मृतकको अन्त्येष्टि गरिएको हो।

यसैबीच, दुर्घटनामा गम्भीर घाइते अश्मि कँडेललाई थप उपचारका लागि एयर एम्बुलेन्समार्फत काठमाडौं लगिएको छ। उनलाई पोखरास्थित पश्चिमाञ्चल क्षेत्रीय अस्पतालबाट काठमाडौं पठाइएको हो।

शुक्रबार बिहान ओख्ले क्षेत्रको भिरमा स्कुल बस दुर्घटनामा परेको थियो। उक्त दुर्घटनामा पाँच जनाको मृत्यु भएको थियो भने अन्य घाइते भएका थिए।