नवरात्रको दोस्रो दिन आज ब्रह्मचारिणी देवीको पूजा आराधना

बडादसैँको आज दोस्रो दिन। शारदीय नवरात्रको दोस्रो दिन आश्विन शुक्ल द्वितीया तिथिमा आज दसैँ घर वा पूजा कोठामा नौ दुर्गामध्येकी दोस्रो ब्रह्मचारिणी देवीको विशेष पूजा आराधना गरिँदै छ।

ब्रह्मचारिणी देवीलाई नवदुर्गा भवानीको दोस्रो स्वरूप मानिन्छ। नवरात्रका क्रममा प्रत्येक दिन नौ दुर्गामध्ये एक-एक देवीको पूजा गर्ने परम्परा छ।

आइतबार नवरात्रको पहिलो दिन थियो। आजदेखि विजया दशमीसम्म दसैँ घरमा दैनिक पूजा आराधना गरिन्छ।

दसैँ नेपालीहरूको महान् चाड हो। आज वि.सं. २०८३ असोज २६ गते सोमबार हो।