अमेरिकी मध्यावधि निर्वाचन: प्रारम्भिक नतिजामा डेमोक्रेटिक पार्टी अगाडि

अमेरिकामा मंगलबार भएको मध्यावधि निर्वाचनको प्रारम्भिक नतिजामा राष्ट्रपति डोनाल्ड ट्रम्पको रिपब्लिकन पार्टी पछाडि परेको छ। अमेरिकी संसद्का दुवै सदनमा डेमोक्रेटिक पार्टीले अग्रता लिएको छ भने सिनेटको एक सिट रिपब्लिकन पार्टीबाट खोसेको छ।

प्रारम्भिक विवरणअनुसार जर्जियाबाट डेमोक्रेटिक सिनेटर ओसोफ विजयी भएका छन्। प्रारम्भिक नतिजामा डेमोक्रेटिक पार्टीले पाँच राज्यमा उल्लेख्य अग्रता हासिल गर्ने अनुमान गरिएको छ।

भारतीय मूलकी डेमोक्रेटिक उम्मेदवार पिया डान्डिया फ्लोरिडाको २२औँ कंग्रेसनल डिस्ट्रिक्टबाट विजयी भएकी छन्।

राष्ट्रपति ट्रम्पको दोस्रो कार्यकालको राजनीतिक प्रभाव परीक्षणका रूपमा हेरिएको यो निर्वाचनको मतदान सकिएसँगै मतगणना सुरु भएको छ। मतगणना जारी रहँदा ट्रम्पले रिपब्लिकन उम्मेदवारलाई बधाई दिन थालेका छन्।