भारतीय विदेशसचिव मिस्री आज काठमाडौं आउँदै, प्रधानमन्त्री बालेनको भारत भ्रमणबारे छलफल हुने

भारतका विदेशसचिव विक्रम मिस्री दुई दिनको औपचारिक भ्रमणका लागि आज बुधबार काठमाडौं आउँदै छन्। परराष्ट्र मन्त्रालयका सचिव अमृतबहादुर राईको निमन्त्रणामा उनी नेपाल आउन लागेका हुन्।

प्रधानमन्त्री वालेन्द्र शाह 'बालेन'को प्रस्तावित भारत भ्रमणको तयारीका क्रममा विदेशसचिव मिस्रीको यो भ्रमण हुन लागेको हो। प्रधानमन्त्री शाहको भारत भ्रमण मंसिरको पहिलो साता हुने बताइएको छ।

भ्रमणका क्रममा विदेशसचिव मिस्रीले प्रधानमन्त्री शाहसँग पनि भेट गर्ने कार्यक्रम छ। भेटमा प्रधानमन्त्रीको भारत भ्रमणबारे छलफल हुने जनाइएको छ।

विदेशसचिव मिस्रीको दुई दिने भ्रमणपछि प्रधानमन्त्री शाहको भारत भ्रमण निश्चित हुने ठानिएको छ। यस भ्रमणप्रति विपक्षी दलहरूले भने शंका गरेको बीबीसी नेपालीले जनाएको छ।