जापानमा स्थायी बसोबास शुल्क २० गुणाले बढ्यो

बेलायती सञ्चारमाध्यम बीबीसीका अनुसार जापानले स्थायी बसोबास अनुमति माग्ने विदेशीको शुल्क करिब २० गुणाले बढाएर २ लाख येन पुर्‍याएको छ। नेपाल राष्ट्र बैंकको विनिमय दरअनुसार यो रकम करिब १ लाख ९५ हजार रुपैयाँ हुन्छ। अब आवेदकले आम्दानी, निवृत्तिभरण र जापानी भाषासम्बन्धी नयाँ मापदण्ड पनि पूरा गर्नुपर्ने भएको छ।

शुल्क बढ्नुअघि नै निवेदन दिन यो हप्ताको सुरुमा अध्यागमन कार्यालयहरूमा लामो लाइन लागेको थियो। बीबीसीका अनुसार राजधानी टोकियोको मुख्य अध्यागमन कार्यालयमा पालो पर्खन ७ घण्टाभन्दा बढी समय लागेको थियो। प्रधानमन्त्री साने ताकाइचीको सरकारले तीव्र रूपमा बढिरहेको विदेशी जनसङ्ख्या व्यवस्थापन गर्न ल्याएका आप्रवासन नीति परिवर्तनकै अंशका रूपमा यो वृद्धि गरिएको हो।

जापानले गत जुलाईमा सबै विदेशीका लागि भिसा शुल्क पनि करिब ५ गुणाले बढाएको थियो, जुन ५० वर्षयताकै पहिलो वृद्धि थियो।