आईईए सदस्य राष्ट्रले रणनीतिक भण्डारबाट ३२ करोड ५० लाख ब्यारेल तेल निकाले

अन्तर्राष्ट्रिय ऊर्जा एजेन्सी (आईईए) का सदस्य राष्ट्रहरूले रणनीतिक भण्डारबाट हालसम्म ३२ करोड ५० लाख ब्यारेल कच्चा तेल तथा तेलजन्य पदार्थ बजारमा पठाएका छन्। आईईएले यसबारे जानकारी दिएको हो।

सदस्य राष्ट्रहरूले मार्चमा रणनीतिक भण्डारबाट ४० करोड ब्यारेल तेल निकाल्ने प्रतिबद्धता जनाएका थिए। सोमध्ये हालसम्म ३२ करोड ५० लाख ब्यारेल निकालिएको हो।

ऊर्जा संकटका बीच सदस्य राष्ट्रहरूले रणनीतिक भण्डारमा रहेको कच्चा तेल र तेलजन्य उत्पादन बजारमा पठाएका हुन्। प्रतिबद्धता जनाइएको परिमाणमध्ये करिब साढे सात करोड ब्यारेल अझै निकाल्न बाँकी छ।