अमेरिकी सेनामा जनरल र एडमिरलको सङ्ख्या घटाइयो

अमेरिकी रक्षामन्त्री पीट हेग्सेथले सेनाका जनरल र एडमिरलको सङ्ख्या करिब २० प्रतिशतले घटाइएको बताउनुभएको छ। क्वान्टिको सैन्य आधारमा सम्बोधन गर्दै उहाँले करिब १० प्रतिशत जनरल र एडमिरललाई हटाइएको र जनरल अफिसरका पद थप करिब १० प्रतिशतले घटाइएको जानकारी दिनुभएको छ। हेग्सेथले यस कदमलाई सैन्य नेतृत्वमा जवाफदेहिता कायम गर्दै सेनालाई युद्धका लागि बढी केन्द्रित, अनुशासित र तयार बनाउने प्रयासका रूपमा प्रस्तुत गर्नुभएको छ।

अघिल्लो प्रशासनका विचारधारामुखी नीतिको सट्टा युद्धकेन्द्रित सैन्य संरचना बनाउने प्रयासमा साथ नदिएका अधिकारीहरू यो परिवर्तनमा परेको उहाँको भनाइ छ। उहाँले सन् २०२५ को मेमा जनरल र एडमिरलको सङ्ख्या करिब १० प्रतिशत र चारतारे उच्च पद करिब २० प्रतिशतले घटाउने आदेश दिनुभएको थियो। तर पेन्टागनको तथ्याङ्कअनुसार त्यस बेला करिब ८३१ रहेका सक्रिय जनरल र एडमिरल सन् २०२६ को जुलाई अन्त्यसम्म करिब ८५१ पुगेका थिए।