धरानमा यस वर्ष दसैँमा २६ करोड २५ लाख रुपैयाँको खसीबोका कारोबार

बडादसैँलाई लक्षित गरी धरान उपमहानगरपालिका–१३ स्थित कृषिउपज बजारबाट यस वर्ष २६ करोड २५ लाख रुपैयाँ बराबरको खसीबोका कारोबार भएको छ।

कोशी प्रदेशका पहाडी जिल्लाबाट किसान तथा व्यापारीले खसीबोका ल्याएर यस बजारमा बिक्री गर्ने गरेका छन्।

गत वर्ष २०८२ को दसैँमा सोही बजारबाट २३ करोड रुपैयाँ बराबरको खसीबोका कारोबार भएको थियो। यसअनुसार यस वर्ष कारोबार करिब ३ करोड २५ लाख रुपैयाँले बढेको छ।

दसैँमा मासुको खपत बढ्ने भएकाले धरानको खसीबोका बजारमा हरेक वर्ष कारोबार बढ्ने गरेको बजार व्यवस्थापकले बताएका छन्। दसैँका बेला खसीबोकाको माग उच्च हुने भएकाले यस अवधिमा बजारमा किसान तथा व्यापारीको चहलपहल बढ्ने गर्छ।