हिमपातले पुरिएको डोल्पा–मुस्ताङ जोड्ने भेरल पास स्थानीयले आफ्नै खर्चमा खुलाउँदै

उपल्लो डोल्पा र मुस्ताङको सीमावर्ती भेरल पासमा भारी हिमपातले सडक पुरिएपछि स्थानीय बासिन्दा आफैँ बाटो खुलाउन जुटेका छन्। स्थानीयले पैसा उठाएर आफ्नै खर्चमा हिउँ पन्छाउन थालेका हुन्।

हिमपातका कारण डोल्पा र मुस्ताङ जोड्ने यो नाका अवरुद्ध हुँदा उपल्लो डोल्पाका बासिन्दालाई आवतजावतमा समस्या परेको छ। सडक अवरुद्ध भएपछि राज्यबाट बाटो खुलाउने काम कुर्दै बसेका स्थानीय अन्ततः आफैँ हिउँ पन्छाउन अघि सरेका हुन्।

भेरल पास उपल्लो डोल्पालाई मुस्ताङसँग जोड्ने सडकको महत्त्वपूर्ण भाग हो। हिमपातले पुरिएको सडक खुलाउने काम स्थानीयकै श्रम र आर्थिक सहयोगमा भइरहेको छ।