दसैँमा प्रहरीको निःशुल्क बस सेवाबाट काठमाडौं उपत्यकामा ३ हजार ५८५ जना लाभान्वित

बडादसैँका अवसरमा नेपाल प्रहरी र सशस्त्र प्रहरी बल नेपालले काठमाडौं उपत्यकामा निःशुल्क बस सेवा चलाएका थिए। यो सेवाबाट तीन हजार ५८५ जना नागरिक लाभान्वित भएका छन्।

दसैँका बेला सार्वजनिक यातायातका साधन कम चल्ने भएकाले यात्रुलाई आवतजावत गर्न समस्या हुने गरेको छ। यस्तो बेला सुरक्षा निकायले चलाएको निःशुल्क बस सेवा सर्वसाधारणका लागि सहारा बनेको छ।

नेपाल प्रहरीले मात्र चलाएको बस सेवाबाट दुई दिनमा एक हजार ४०६ जना लाभान्वित भएका छन्। प्रहरीका अनुसार कात्तिक ३ गते मात्र ५१० जनाले यो सेवा लिएका थिए।

नेपाल प्रहरी र सशस्त्र प्रहरी बलले दसैँका अवसरमा उपत्यकामा यो सेवा चलाएका हुन्।