नेसन्स लिग: इङ्ल्यान्ड र स्पेनको जित

युइएफए नेसन्स लिग फुटबलको समूह ‘सी’ मा इङ्गल्यान्ड र स्पेनले आ-आफ्ना खेल जितेका छन्। इङ्गल्यान्डले चेकियालाई ३–० गोलअन्तरले पराजित गरेको छ भने स्पेनले क्रोएसियालाई उसकै घरेलु मैदानमा २–१ ले हराएको छ। इङ्गल्यान्डले २७औँ मिनेटमा चेकियाका भ्लादिमिर कुफलको आत्मघाती गोलबाट अग्रता लिएको थियो।

कप्तान ह्यारी केनले ४०औँ मिनेटमा गोल गर्दै पहिलो हाफमै टोलीलाई २–० को अग्रता दिलाएका थिए। दोस्रो हाफको ५७औँ मिनेटमा केनले व्यक्तिगत दोस्रो गोल गरेपछि नतिजा ३–० पुगेको हो। स्पेनविरुद्धको खेलमा भने क्रोएसिया सुरुमै अगाडि पुगेको थियो।

इभान पेरिसिचले १७औँ मिनेटमा क्रोएसियाका लागि गोल गरेका थिए। स्पेनका मिकेल मेरिनोले ६१औँ मिनेटमा बराबरी गोल गरेका छन्। ७९औँ मिनेटमा गोल गरेका पेरिसिचले नै रातो कार्ड पाएपछि क्रोएसिया १० खेलाडीमा सीमित भएको थियो।

मेरिनोले ८८औँ मिनेटमा व्यक्तिगत दोस्रो गोल गर्दै स्पेनलाई जित दिलाएका छन्। यो जितसँगै स्पेन समूह ‘सी’ को शीर्ष स्थानमा कायमै छ भने इङ्गल्यान्ड दोस्रो स्थानमा उक्लिएको छ।