पाल्पामा १० वर्षमा विपद्का घटनामा १०२ जनाको मृत्यु, ३५८ जना घाइते

पाल्पामा पछिल्लो १० वर्षमा विपद्जन्य घटनामा परी १०२ जनाको मृत्यु भएको छ। जिल्ला विपद् जोखिम न्यूनीकरण तथा व्यवस्थापन समितिका अध्यक्ष एवं प्रमुख जिल्ला अधिकारी भविश्वर पाण्डेले यो जानकारी दिएका हुन्।

यस अवधिमा ३५८ जना घाइते भएका छन् भने पाँच जना बेपत्ता छन्। विपद्का घटनाबाट जिल्लामा ३७ करोड रुपैयाँभन्दा बढीको क्षति भएको छ।

प्रमुख जिल्ला अधिकारी पाण्डेका अनुसार २०७४ साउनदेखि गत असारसम्म विपद्का घटनामा ९७ जनाको मृत्यु भएको थियो।