हुम्लाकी सुत्केरी हुन लागेकी महिलाको सेनाको हेलिकप्टरबाट सुर्खेतमा उद्धार

हुम्लामा जटिल प्रसूति समस्या देखिएकी एक महिलालाई नेपाली सेनाको हवाई साधनबाट सुर्खेत पुर्‍याइएको छ। महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयले राष्ट्रिय महिला सशक्तीकरण परियोजनाअन्तर्गतको हवाई उद्धार कार्यक्रममार्फत यो उद्धार गरेको जनाएको छ। उद्धार गरिएकी महिला सर्केगाड गाउँपालिका–३ की २६ वर्षीया बासिन्दा हुन्।

मन्त्रालयका अनुसार असोज १५ गते उनमा प्रसूतिसम्बन्धी जटिलता देखिएको थियो। स्थानीय स्वास्थ्य संस्थामा आवश्यक सेवा उपलब्ध नभएपछि विशेषज्ञ सेवाका लागि उनलाई तत्काल सुर्खेत लगिएको हो। दुर्गम र विकट भेगका गर्भवती तथा सुत्केरी महिलालाई समयमै स्वास्थ्य सेवामा पहुँच दिलाउन मन्त्रालयले यो कार्यक्रम चलाउँदै आएको छ।