होर्मुज जलमार्ग खोल्ने इरानको सात दिने प्रस्ताव अझै छलफलमा

इरानले 'स्ट्रेट अफ होर्मुज' जलमार्ग पुनः खोल्न अमेरिकासमक्ष प्रस्तुत गरेको सात दिने प्रस्ताव अझै कायम रहेको जनाएको छ। इरानी विदेशमन्त्री सैयद अब्बास अराघचीले उक्त योजना अझै छलफलकै क्रममा रहेको बताएका हुन्।

विदेशमन्त्री अराघचीले यो कुरा इराकको राजधानी बग्दादमा आयोजित एक कार्यक्रममा बताएका हुन्।

प्रस्तावमा इरानले आफ्नो तेल निर्यातमाथि लगाइएको प्रतिबन्ध र आफ्ना बन्दरगाहमाथिको अमेरिकी नाकाबन्दी हटाउनुपर्ने माग राखेको छ। सेतोपाटीका अनुसार सर्त स्वीकार गरिए ६ दिनभित्रै जलमार्ग खोल्ने इरानको प्रस्ताव छ।

तर, प्रस्तावमा उल्लेख सात सर्तमा दुवै पक्षबीच सहमति जुट्न नसक्दा वार्ता अवरुद्ध भएको छ।