मुम्बईमा बलिउड अभिनेता टाइगर श्रफ सवार गाडीमा गोली प्रहार, चालकसहित दुई घाइते

भारतको मुम्बईस्थित जुहू क्षेत्रमा बलिउड अभिनेता टाइगर श्रफ सवार गाडीमा आइतबार साँझ गोली प्रहार भएको छ। घटनामा श्रफ सुरक्षित छन्, तर उनका गाडी चालकसहित दुई जना घाइते भएका छन्।

भारतीय सञ्चारमाध्यम एबीपी न्युजका अनुसार जुहूस्थित पुष्पा पार्कमा मोटरसाइकलमा आएकाहरूले गोली चलाएका हुन्। गाडीमा पाँच राउन्ड गोली प्रहार भएको नागरिकले जनाएको छ।

घटनापछि लरेन्स विश्नोई ग्याङसँग जोडिएका ग्याङ्स्टर अनिल पण्डित र हरमन सन्धुले सामाजिक सञ्जालमा एउटा अडियो र पोस्ट सार्वजनिक गर्दै आक्रमणको जिम्मेवारी लिएका छन्।

मुम्बई प्रहरीले अनुसन्धान थालेको छ र यसका लागि १२ वटा टोली खटाएको छ। प्रहरीले घटनास्थल वरपरका सिसिटिभी फुटेज पनि जाँचिरहेको छ।