दसैँका सामान भित्र्याउन तातोपानी नाका तीन दिनका लागि खुल्यो

दसैँका सामान भित्र्याउन सिन्धुपाल्चोकको तातोपानी नाका आजदेखि अस्थायी रूपमा सञ्चालनमा आएको छ। नाका तीन दिनका लागि खोलिएको हो।

नाका खुलेपछि चीनको स्वशासित क्षेत्र सिचाङबाट बिहानैदेखि मालवाहक सवारीसाधन नेपाल भित्रिन थालेका छन्। सामान बोकेका कन्टेनरहरू लगातार नेपाल प्रवेश गरिरहेका छन्।

दसैँको बेला बजारमा सामानको माग पूरा गर्न नाका अस्थायी रूपमा खोलिएको हो। यो नाका तीन दिन सञ्चालनमा रहनेछ।