दसैँ–तिहारमा चेलीलाई माइत पुर्‍याउन खोटाङका युवाको निःशुल्क यातायात

खोटाङका युवाको एउटा समूहले दसैँ र तिहारमा आर्थिक अभाव वा सवारी साधन नपाएर माइत जान नसकेका चेलीलाई निःशुल्क यातायात सेवा दिने भएको छ। समूहले 'दसैँ–तिहार, चेलीलाई उपहार अभियान–२०८३' नाम दिएर यो कार्यक्रम सञ्चालन गर्न लागेको हो। अभियानले चेलीलाई माइतीघर पुर्‍याउने र चाडपछि कर्मघर फर्काउने लक्ष्य राखेको छ।

संयोजक सञ्जयकुमार राईका अनुसार दसैँका लागि कात्तिक ३ देखि ६ गतेसम्म र तिहारका लागि कात्तिक २४ देखि २६ गतेसम्म गरी दुई चरणमा सेवा उपलब्ध हुनेछ। महिला, बालबालिका, ज्येष्ठ नागरिक र अपाङ्गता भएका व्यक्तिले विशेष प्राथमिकता पाउनेछन्, आवश्यक परे पुरुषलाई पनि सेवा दिइनेछ। अभियानमा सहभागी हुन अहिलेसम्म ३५ जना युवाले नाम दर्ता गराएका छन्।

यो समूहले लगातार तीन वर्षदेखि यस्तो अभियान चलाउँदै आएको छ।