प्युठान कारागारको बाथरुममा २७ वर्षीय कैदी मृत फेला

जिल्ला कारागार प्युठानमा कैद भुक्तान गरिरहेका एक कैदी मृत फेला परेका छन्।

जिल्ला प्रहरी कार्यालय प्युठानका अनुसार गौमुखी गाउँपालिका–३ घर भएका २७ वर्षीय ओमबहादुर घर्ती आइतबार दिउँसो करिब २ बजे कारागारको बाथरुममा झुण्डिएको अवस्थामा फेला परेका थिए।

उनी कारागारमा कैद भुक्तान गरिरहेका थिए। प्रहरीले घटनाबारे थप विवरण सार्वजनिक गरेको छैन।

कारागारभित्रै भएको यो घटनाबारे स्रोतहरूमा थप जानकारी आएको छैन।