काठमाडौँबाट रौतहट जाँदै गरेको ईभी भीमफेदीमा दुर्घटना, ११ जना घाइते

मकवानपुरको भीमफेदीमा आइतबार ईभी गाडी दुर्घटना हुँदा ११ जना घाइते भएका छन्।

काठमाडौँबाट रौतहटतर्फ जाँदै गरेको गाडी भीमफेदी गाउँपालिका–१ बाद्रेभीरस्थित हेटौँडा–भैँसे सडकखण्डमा दुर्घटनाग्रस्त भएको हो।

घाइतेमध्ये एक जनाको अवस्था गम्भीर रहेको छ। दुर्घटनामा परेको गाडीका चालक घटनापछि फरार भएका छन्।

दसैँका बेला काठमाडौँ उपत्यकाबाट गृहजिल्ला फर्कनेहरूको चाप बढेका बेला यो दुर्घटना भएको हो। घाइतेको पहिचान र दुर्घटनाको कारणबारे स्रोतहरूमा थप विवरण आएको छैन।