प्रकाशबाट मस्तिष्कका स्नायु कोष नियन्त्रण गर्ने प्रविधिका खोजकर्ता तीन वैज्ञानिकलाई चिकित्साशास्त्रको नोबेल

सन् २०२६ को चिकित्साशास्त्रतर्फको नोबेल पुरस्कार स्नायु प्रणालीसम्बन्धी ‘अप्टोजेनेटिक्स’ र ‘लाइट–गेटेड आयन च्यानल’का खोजकर्ता तीन वैज्ञानिकलाई प्रदान गरिने भएको छ।

अमेरिकी वैज्ञानिक कार्ल डाइसेरोथ तथा जर्मनीका पिटर हेगेम्यान र जर्ज नागेललाई यस वर्षको नोबेल पुरस्कार दिने घोषणा सोमबार गरिएको हो। उनीहरूले प्रकाशमार्फत मस्तिष्कका स्नायु कोषलाई नियन्त्रण गर्ने प्रविधिमा काम गरेका थिए।

उनीहरूको अनुसन्धानले वैज्ञानिकहरूलाई मस्तिष्कले कसरी काम गर्छ भन्नेबारे थप जानकारी हासिल गर्न मद्दत गरेको छ। यसले मानिसको मस्तिष्क र मन कसरी काम गर्छ भन्ने बुझ्न पनि महत्त्वपूर्ण आधार दिएको बताइएको छ।