सुदूरपश्चिम र कर्णालीसहित पश्चिमी भूभागबाट मनसुन बाहिरियो

यस वर्षको मनसुन नेपालबाट बिस्तारै बाहिरिन थालेको छ। जल तथा मौसम विज्ञान विभागका अनुसार शनिबारसम्म सुदूरपश्चिम र कर्णाली प्रदेशसहित लुम्बिनी प्रदेशको पश्चिमी भूभागबाट मनसुन बाहिरिएको छ।

विभागका मौसमविद् सञ्जीव अधिकारीले शनिबारदेखि नेपालको पश्चिमी क्षेत्रबाट मनसुन बाहिरिएको जानकारी दिएका छन्। यसअनुसार देशको पश्चिमी भागमा मनसुनी प्रणालीको प्रभाव सकिएको छ।

विभागका अनुसार देशका बाँकी भागमा पनि मनसुनी वायु कमजोर हुँदै गएको छ। त्यसैले ती क्षेत्रबाट पनि केही दिनमै मनसुन बाहिरिने विभागले जनाएको छ।

पश्चिमी भूभागबाट मनसुन बाहिरिसके पनि बाँकी क्षेत्रबाट पूर्ण रूपमा बाहिरिन अझै केही दिन लाग्ने विभागले बताएको छ।