राजमार्गका होटलमा बासी र गुणस्तरहीन खाना खुवाए चालक र सञ्चालक दुवैलाई कारबाही

यातायात व्यवस्था विभागले सार्वजनिक यातायातमा यात्रा गर्ने यात्रुलाई सफा होटलमा स्वच्छ र गुणस्तरीय खाना खुवाउन निर्देशनात्मक विज्ञप्ति जारी गरेको छ।

विभागले यात्रुले सफा, स्वच्छ र गुणस्तरीय खाना पाउने होटल तथा रेस्टुरेन्टमा मात्रै गाडी रोक्न चालकलाई निर्देशन दिएको छ।

सार्वजनिक यात्रुवाहक सवारी साधन रोकिने राजमार्गका होटल तथा रेस्टुरेन्टमा बासी र गुणस्तरहीन खाना खुवाइएमा सवारी चालक तथा होटल सञ्चालक दुवैलाई कडा कानुनी कारबाही गरिने विभागले जनाएको छ।

विभागले यस्तो समस्या देखिएमा यात्रुलाई '१००' मा उजुरी गर्न आग्रह गरेको छ।