बेगनास तालमा पौडी खेल्ने क्रममा सल्यानका २५ वर्षीय युवकको डुबेर मृत्यु

पोखरा महानगरपालिका–३१ स्थित बेगनास तालमा नुहाउने तथा पौडी खेल्ने क्रममा शनिबार साँझ एक युवकको डुबेर मृत्यु भएको छ।

मृत्यु हुनेमा सल्यान घर भई हाल पोखरा महानगरपालिका–१४ खसीबजार बस्दै आएका २५ वर्षीय नरेश बिक रहेका छन्। उनी तालमा नुहाउँदै र पौडी खेल्दै गर्दा डुबेका थिए।

तालमा बेपत्ता भएका उनको शव गोताखोरले करिब २५ फिट गहिराइबाट निकालेको छ।

सोही साँझ पोखराकै फेवातालमा भने अचानक आएको हावाहुरी र पानीका कारण फसेका ७ जनाको सशस्त्र प्रहरीले सकुशल उद्धार गरेको छ।