बजेट विवादमा सुदूरपश्चिम प्रदेशसभा अवरुद्ध, प्रतिपक्षीले सदनमै सरकारको राजीनामा माग

प्रमुख प्रतिपक्षी दल नेपाली कांग्रेसले आर्थिक वर्ष २०८३/८४ को बजेट विवादलाई लिएर सुदूरपश्चिम प्रदेशसभाको बैठक अवरुद्ध गरेको छ।

करिब एक महिनापछि बसेको प्रदेशसभा बैठक नियमित कार्यसूचीमा प्रवेश नै नगरी स्थगित भएको हो। अवरोधपछि बैठक आधा घण्टाका लागि स्थगित गरिएको थियो।

बजेटप्रति असन्तुष्टि जनाउँदै नेपाली कांग्रेससहितका प्रतिपक्षी दलका सांसदहरूले सदनमै नाराबाजी गर्दै सरकारको राजीनामा मागेका थिए। प्रतिपक्षीको घेराबन्दीका कारण बैठकले काम अघि बढाउन सकेन।

प्रदेशको बजेटसम्बन्धी विवाद अझै सुल्झिन सकेको छैन।