सुर्खेतमा १२.०२ ग्राम खैरो हेरोइनसहित दुई सशस्त्र प्रहरीसहित चार जना पक्राउ

सुर्खेतमा लागूऔषध खैरो हेरोइनसहित चार जना पक्राउ परेका छन्। पक्राउ पर्नेमा सशस्त्र प्रहरी बलका दुई बहालवाला कर्मचारी पनि छन्।

लागूऔषध नियन्त्रण ब्यूरोको शाखा कार्यालय सुर्खेतबाट खटिएको प्रहरी टोलीले हिजो वीरेन्द्रनगरबाट उनीहरूलाई पक्राउ गरेको हो। उनीहरूबाट १२.०२ ग्राम खैरो हेरोइन बरामद भएको छ।

सुरक्षा निकायमै कार्यरत कर्मचारी लागूऔषधसहित पक्राउ परेको यो घटना सुर्खेतमा चर्चाको विषय बनेको छ। पक्राउ परेकाहरूमाथि प्रहरीले आवश्यक कारबाही अघि बढाएको छ।