उत्पादन सुरु गरेको केही दिनमै राहुघाट जलविद्युत् आयोजनामा बाढीको क्षति

म्याग्दीमा हालै उत्पादन सुरु गरेको ४० मेगावाटको राहुघाट जलविद्युत् आयोजनामा बाढीले क्षति पुर्‍याएको छ। रघुगंगा गाउँपालिकामा रहेको आयोजनाका संरचना र प्रसारण लाइनका टावर राहुगंगा नदीको बाढीले क्षतिग्रस्त भएको नेपाल विद्युत् प्राधिकरणले जनाएको छ। आयोजनाका अनुसार बाढीले टेलरेसको ढोका बगाएको छ।

२०–२० मेगावाटका दुई युनिटबाट उत्पादित बिजुली केही दिनअघि मात्र राष्ट्रिय प्रसारण प्रणालीमा जोडिएको थियो। क्षतिका कारण परीक्षण उत्पादन र व्यावसायिक सञ्चालनको तयारीमा असर पर्न सक्ने प्राधिकरणले जनाएको छ। क्षतिको मूल्याङ्कन र पुनःस्थापनाका लागि प्राविधिक टोली खटाइएको छ।

आयोजना प्राधिकरणको सहायक कम्पनी रघुगंगा हाइड्रोपावर लिमिटेडले निर्माण गरेको हो।