सुनको मूल्य तोलामा ३ लाखभन्दा तल झर्‍यो

नेपाली बजारमा सुनको मूल्य प्रतितोला ३ लाख रुपैयाँभन्दा तल झरेको छ। नेपाल सुनचाँदी व्यवसायी महासंघका अनुसार बिहीबार छापावाल सुन तोलामा ३ हजार २०० रुपैयाँले घटेर २ लाख ९९ हजार १०० रुपैयाँमा किनबेच भइरहेको छ। बुधबार यही सुन प्रतितोला ३ लाख २ हजार ३०० रुपैयाँमा कारोबार भएको थियो।

बुधबार भने सुनको मूल्य तोलामा करिब १०० रुपैयाँले बढेको थियो। महासंघका अनुसार चाँदी प्रतितोला १६५ रुपैयाँले सस्तिएर ४ हजार ६५० रुपैयाँ कायम भएको छ, जुन बुधबार ४ हजार ८१५ रुपैयाँ थियो। ग्रामका हिसाबले प्रति १० ग्राम छापावाल सुनको मूल्य करिब २ लाख ५६ हजार ४३० रुपैयाँ र चाँदीको करिब ३ हजार ९८६ रुपैयाँ ५० पैसा तोकिएको छ।

महासंघले अन्तर्राष्ट्रिय बजारमा बिहीबार सुन प्रतिऔँस करिब ४ हजार २९३ अमेरिकी डलरमा कारोबार भइरहेको जनाएको छ। नेपालमा सुनचाँदीको दैनिक मूल्य अन्तर्राष्ट्रिय बजारको भाउका आधारमा निर्धारण गरिन्छ।