सी–ट्रम्प भेटअघि अमेरिका र चीनबीच एआई संवाद संयन्त्र बनाउने सहमति

अमेरिका र चीनले आर्टिफिसियल इन्टेलिजेन्स अर्थात् एआईबाट सिर्जित जोखिमबारे छलफल गर्न द्विपक्षीय संवाद संयन्त्र बनाउने सहमति गरेका छन्। फाइनान्सियल टाइम्सका अनुसार आइतबार न्यूयोर्कमा चिनियाँ उपप्रधानमन्त्री हे लिफेङसँग वार्ता गरेपछि अमेरिकी अर्थमन्त्री स्कट बेसेन्टले यो सहमतिको जानकारी दिनुभएको छ। बिहीबार वासिङ्टनमा अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी चिनफिङबीच शिखर भेट हुनुअघि यो सहमति भएको हो।

यस्तो संयन्त्रको प्रस्ताव गत मे महिनामा बेइजिङमा भएको ट्रम्प–सी भेटमै अघि सारिएको थियो। आइतबारको वार्तापछि सोही प्रस्तावलाई अघि बढाउने सहमति जुटेको हो। बेसेन्टका अनुसार तीव्र गतिमा विकसित भइरहेको एआईको जोखिम घटाउन दुई देशबीच प्रत्यक्ष संवाद थाल्नु महत्त्वपूर्ण कदम हो।

उहाँले कुराकानी सुरु गर्नु नै सबैभन्दा महत्त्वपूर्ण भएकाले संवाद संयन्त्र स्थापना गरिएको बताउनुभएको छ।