दीपक भट्टको मुद्दामा सर्वोच्चले विशेष र उच्च अदालतबाट मिसिल झिकायो

सर्वोच्च अदालतले दीपक भट्टको मुद्दामा विशेष अदालत र उच्च अदालतबाट मिसिल झिकाउन आदेश दिएको छ।

न्यायाधीशहरू शारंगा सुवेदी र नित्यानन्द पाण्डेयको इजलासले बुधबार दुवै अदालतबाट मुद्दासम्बन्धी फाइल झिकाउन आदेश गरेको हो।

यसअघि विशेष अदालतले सम्पत्ति शुद्धीकरणको मुद्दामा मुछिएका दीपक भट्ट र सुलभ अग्रवाललाई एकै दिन पुर्पक्षका लागि थुनामा पठाउन आदेश गरेको थियो।

सर्वोच्चले विशेष अदालत र उच्च अदालतबाट मिसिल झिकाउने आदेश दिएसँगै यो मुद्दामा अब सर्वोच्चमा थप सुनुवाइ हुनेछ।