टी–२० अलराउन्डर वरीयतामा दीपेन्द्र एक स्थान तल

नेपाली टी–२० क्रिकेट टोलीका कप्तान दीपेन्द्रसिंह ऐरी आईसीसीको टी–२० अन्तर्राष्ट्रिय अलराउन्डर वरीयतामा एक स्थान तल झरेका छन्। अन्तर्राष्ट्रिय क्रिकेट काउन्सिलले जारी गरेको पछिल्लो सूचीमा उनी पाँचौँबाट खस्केर छैटौँ स्थानमा पुगेका छन्। ऐरी यसअघि यही वरीयतामा दोस्रो स्थानसम्म उक्लिएका थिए।

यो नेपाली क्रिकेटको इतिहासमा कुनै पनि खेलाडीले पाएको अहिलेसम्मकै सबैभन्दा माथिल्लो वरीयता हो। उनी पहिलोपटक सन् २०२४ को अक्टोबरमा इङ्ग्ल्यान्डका लियाम लिभिङस्टोनपछि विश्वको दोस्रो नम्बरको टी–२० अलराउन्डर बनेका थिए। सन् २०२५ मा पनि उनले वेस्ट इन्डिजका रोस्टन चेसलाई पछि पार्दै फेरि दोस्रो स्थान ओगटेका थिए।

नेपालले गत अक्टोबरमा एशियाली खेलकुदमा भाग लिएपछि कुनै पनि टी–२० अन्तर्राष्ट्रिय खेल खेलेको छैन। जिम्बावेका सिकन्दर राजा वरीयताको शीर्ष स्थानमा र पाकिस्तानका सइम अयुब दोस्रो स्थानमा यथावत् छन्।