नेपालकी रशिला तामाङले जितिन् कोलोन ट्रेल रन

नेपालकी ट्रेल धाविका रशिला तामाङले भुटानमा शुक्रबार सम्पन्न कोलोन ट्रेल रनको महिलातर्फको उपाधि जित्नुभएको छ। ४२ किलोमिटरको कठिन पहाडी मार्ग उहाँले ७ घण्टा ११ मिनेट २६ सेकेन्डमा पार गर्नुभएको हो। बेल्जियमकी भान्या नप्स ७ घण्टा १८ मिनेट १७ सेकेन्डसहित दोस्रो र भुटानकी सांगे छोदेन तेस्रो स्थानमा रहनुभएको छ।

दौडमा २७ देशका १५२ धावकधाविका सहभागी थिए। कठिन पहाडी मार्गसँगै पानी र हिउँले प्रतिस्पर्धालाई थप चुनौतीपूर्ण बनाएको थियो। प्रतिकूल मौसमका बाबजुद पहिलो स्थान हासिल गरेकी रशिलाले भुटानमा प्रतिस्पर्धा गर्ने अवसर पाएकोमा खुसी व्यक्त गर्नुभएको छ।