होर्मुजमा तनाव: इरानले तीन तेल ट्याङ्कर रोक्यो

इरानले स्ट्रेट अफ होर्मुज पार गर्न खोजेका तीनवटा तेल ट्याङ्कर रोकेको जनाएको छ। ओमानको समुद्री सुरक्षा केन्द्रका अनुसार पानामाको झण्डा बोकेको 'आरआईटीआई' नामक व्यापारिक जहाजमा शुक्रबार आक्रमण हुँदा आगलागी भएको थियो। ओमानी नौसेनाले उक्त जहाजका करिब २५ जना चालक दलका सदस्यको उद्धार गरेको छ।

जहाज ट्र्याकिङ वेबसाइट मरिन ट्राफिकका अनुसार त्यो कच्चा तेल ढुवानी गर्ने ट्याङ्कर हो। फेब्रुअरी २८ मा अमेरिका र इजरायलले इरानमाथि आक्रमण गरेपछि सुरु भएको युद्धयता तेहरानले यो जलमार्गमा आवागमन अवरुद्ध गर्दै आएको छ। विश्वको झन्डै पाँचमध्ये एक भाग तेल यही जलमार्ग भएर ओसारपसार हुन्छ।

यसैबीच अमेरिकी राष्ट्रपति डोनाल्ड ट्रम्पले फ्लोरिडाको डेटोनामा चुनावी सभा सम्बोधन गर्दै होर्मुजबाट अहिले सात महिनाअघिभन्दा बढी तेल प्रवाह भइरहेको दाबी गर्नुभएको छ।