नोबेल शान्ति पुरस्कारका सम्भावित दाबेदारमा अन्तरिक्ष स्टेसनदेखि ट्रम्पसम्म

यस वर्षको नोबेल शान्ति पुरस्कारका सम्भावित दाबेदारमा अन्तर्राष्ट्रिय अन्तरिक्ष स्टेसनदेखि अमेरिकी राष्ट्रपति डोनाल्ड ट्रम्पसम्मको नाम चर्चामा छ। समाचार संस्था एपीका अनुसार यस पटक पुरस्कारका लागि करिब ३ सय उम्मेदवार मनोनीत भएका छन्। नर्वेजियन नोबेल समितिले अक्टोबर ९, शुक्रबार विजेताको नाम सार्वजनिक गर्नेछ।

क्यानडाका प्रधानमन्त्री मार्क कार्नी, सुडानको आपत्कालीन प्रतिक्रिया कक्ष र युक्रेनी बालअधिकारकर्मी माइकोला कुलेबा पनि सम्भावित सूचीमा छन्। सेभ द चिल्ड्रेन र पत्रकारको सुरक्षामा काम गर्ने कमिटी टु प्रोटेक्ट जर्नलिस्ट्सको नाम पनि चर्चामा आएको छ। शान्ति अनुसन्धान संस्थान ओस्लोका निर्देशक हाकोन जेर्लोउले देशहरूबीचको सहकार्य खुम्चिँदै गएको समयमा अन्तरिक्ष स्टेसन साझा कामको दुर्लभ उदाहरण भएको बताउनुभएको छ।

सुडान, युक्रेन, यमन, इरान र मध्यपूर्वमा युद्ध जारी रहेका बेला यो घोषणा हुन लागेको हो।