नापजाँच सकिएको ११ वर्षपछि धनुषाका २३३ स्ववासी परिवारले पाए लालपुर्जा

धनुषाको धनौजी गाउँपालिका–३ का २३३ स्ववासी परिवारले नापजाँच सम्पन्न भएको करिब ११ वर्षपछि जग्गाधनी प्रमाण पुर्जा पाएका छन्। यो क्षेत्र साविक झोझी कटैया गाविसका वडा नम्बर १ देखि ९ सम्म पर्छ।

नापी कार्यालय धनौजीले आवश्यक कानुनी प्रक्रिया पूरा गरेपछि ती परिवारलाई लालपुर्जा दिइएको हो।

लामो समयदेखि स्ववासीका रूपमा बसोबास गर्दै आएका यी स्थानीय परिवारले अब आफूले बसेको जग्गामाथि औपचारिक रूपमा कानुनी स्वामित्व पाएका छन्।