चार दिनमा सुन प्रतितोला ८ हजार १ सय रुपैयाँले सस्तियो, चाँदीको भाउ पनि घट्यो

सुनको भाउ घट्ने क्रम जारी छ। पछिल्ला चार दिनमा सुनको मूल्य प्रतितोला ८ हजार १ सय रुपैयाँले घटेको छ।

नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला २ लाख ८८ हजार ४ सय रुपैयाँमा किनबेच भइरहेको छ। आइतबार सुनको कारोबार प्रतितोला २ लाख ९६ हजार ५ सय रुपैयाँमा भएको थियो।

आइतबारदेखि बिहीबारसम्मको अवधिमा सुनको भाउ लगातार घटेको हो। यो अवधिमा प्रतितोला मूल्य झन्डै तीन लाख रुपैयाँबाट घटेर २ लाख ८८ हजार रुपैयाँ आसपास पुगेको छ।

सुनसँगै चाँदीको भाउ पनि आज उल्लेख्य रूपमा घटेको छ। महासंघले हरेक दिन सुन र चाँदीको भाउ तोक्ने गर्छ।