बैंकमा १२ खर्ब ६६ अर्ब अधिक तरलता, तर उत्पादनमूलक क्षेत्रमा लगानी बढेन

बैंक तथा वित्तीय संस्थामा १२ खर्ब ६६ अर्ब रुपैयाँ अधिक तरलता रहेको छ। देशमा वार्षिक २३ खर्ब रुपैयाँभन्दा बढी रेमिट्यान्स पनि भित्रिइरहेको छ।

यति ठूलो रकम बैंकमा थुप्रिँदा र रेमिट्यान्स आइरहँदा पनि देशमा लगानी बढ्न सकेको छैन। खासगरी उत्पादनमूलक क्षेत्र र रोजगारी सिर्जना हुने क्षेत्रमा लगानी बढेको छैन।

पर्याप्त पैसा उपलब्ध भए पनि देशको व्यावसायिक वातावरण पछिल्लो ३६ वर्षयताकै निराशाजनक रहेको बताइएको छ।